nyob rau hauv ntiaj teb no hais txog kev qis txaij nyiaj nws yog ib yam nyuaj tshaj plaws nyob hauv ntiaj teb. Thiab nws muaj tsaw...
nyob rau hauv ntiaj teb no hais txog kev qis txaij nyiaj nws yog ib yam nyuaj tshaj plaws nyob hauv ntiaj teb. Thiab nws muaj tsawg leej tshaj plaws thiaj li qiv txais nyiaj thaum lub sij hawm lwm tus ntsib teeb meem los yog muaj kev txom nyem. Vim nyob rau lub neej tam sim no nws muaj neeg dag noj dag haus coob tuaj lawm ua ntu zus tsis hais tus nyob ze koj los yog tus nyob deb ( Tsis hais kwv tij los yog luag tus qhua ) thiaj li ua rau muaj kev ntshai tsis xav qiv txais. yog tias tsis yog tus neeg ua muaj dej siab pom txog txoj kev txom nyem ntawm lwm tus tiag tiag ces yeej tsis kam qiv txais li. Yog li ntawv lub sij hawm nws muaj siab lub siab zoo kam qiv txais koj yuav tsum nco ntsoov nws tus txiaj tus ntsig vim nws muaj nplooj siab hlub tshua qiv txais nyiaj rau koj. yog li thaum qiv lawm nco ntsoov xa rov qab vim tus ntawv thiaj li yog tus hlub koj tsis txhob ua kom nws tag kev cia siab rau koj.
Mr. Lygasing tus neeg muaj nyiaj tshaj plaws nyob rau hauv hongkong teb chaws suav tau hais tias: Tus neeg qiv txais nyiaj rau koj cov neeg hom no nrhiav nyuaj tshaj plaws nyob rau sim neej tam sim no. Yog li ntawv yog koj pom thiab paub tus neeg hom no yuav tsum tau nco ntsov nws tej txiaj ntsig kom tag koj sim neej. Lub sij hawm koj muaj kev txom nyem es thov kev pab los ntawv tus neeg txaus siab cev tes pab koj nws tsis txhais tau tias nws muaj nyiaj see nyiaj ntau siv tsis tag. tab sis vim nws muaj nplooj siab zoo xav pab koj kom koj tawm tau txoj kev nyuaj siab txm nyem los yog qhov teeb meem ntawv mus xwb.
Yog li ntawv nws yog ib tug neeg pab koj tawm tau lub neej nyuaj siab nyob rau sij hawm dhau los ntawv lawm. Yog li nco ntsoov tsis txhob muab nws hnov qab mus thiaj tsis txhob saib nws tsis muaj nqis. Yog tias koj tsuj nthi tsis nco tus pab koj lawm ces nws tam li koj muab koj lub neej tsuj rau hauv av lawm. Yog li koj yuav tsum tau paub his xa rov qab lwm zaum luag thiaj li xav pab koj dua.
Txawm li cas los kuj zoo nyob rau kev ua neej nyob rau tiam tam sim no. Muaj ib kuag neeg los yog ib txhia tib neeg mus thov qiv txais nyiaj ntawm tej phooj tej ywg. Phooj ywg tsis muaj qiv txais tseem muaj kev chim ntxug ntxaug rau tej phooj ywg. tab sis koj yuav tsum ua zoo xav thiab ntsia seb puas tsim nyog koj chim rau luag. Vim qhov ntawv yog kev muaj dej siab ntawv lawv yog hais tias luag ho qiv txais rau koj ces yeej yog lawv xav pab koj tshaj laws li lawm. Rov qab qee muaj ib txhia neeg mas lub sij hawm mus qiv txais nyiaj mas hais lus zoo hais lus muag
hais lus nqee, hais lus qab zib tab sis lub sij hawm qiv txais tau lawm kuj tsis kam them rov qab ( Txawm tias xa los twb hais nyuaj npau taw tag ) mam li them. ua cua li tus qiv txais tseem yog tus txhaum qee. Cov neeg zoo li no yuav muaj ib hnub twg ces nws mam li thim los xav txog ces lig lawm. Vim luag paub nws lub siab ces txawm tom ntej yuav muaj teeb meem npaum cas los luag tsis kam pab li lawm.
1. Qiv lawm tsis paub yuav them hnub twg Ces tsis txhob qiv.
2. Qiv lawm puas muaj peev xwm them tau Yog tsis muaj peev xwm them Ces tsis txhob qiv
3. Lub sij hawm yuav txais nyiaj hais tau. Lub sij hawm yuav them ua tus ntsej muag lag dig tsis paub Ces tsis txhob qiv
4. Qiv lawm them tsis tag Ces tsis txhob Qiv.
Txawm tias yuav yog phooj ywg zoo npaum cas los Yog qiv ces yuav tau them, Yog thov ces nws kuj tag thiaj li yuav yog phooj ywg zoo mus li thiab luab thiaj li ntseeg koj siab mus rau yav tom ntej.
COMMENTS